Një tjetër krim brenda në familje tronditi sërish mbrëmjen e sotme vendin. 56 vjeçari Qemal Bici vrau bashkëshorten me sëpatë dhe më pas u vetëvar në një pemë jashtë banesës.
Ata lanë pas katër fëmije, dy vajza dhe dy djem, njëri prej të cilëve konstatoi nënën pa jetë dhe babanë të varur në pemë.
12 vite më parë Menturie Bici e kishte denoncuar bashkëshortin në polici për dhunë ndaj saj.
Por duket se ngjarja e mbi një dekade më parë ishte lënë pas nga çifti duke vijuar jetën bashkëshortore.
Policia pritet që të marrë dëshminë e fëmijëve, por edhe të afërmve për të mësuar më shumë mbi arsyet që çuan Bicin drejt vendimit për të vrarë gruan dhe më pas veten.
