Policia është ende duke hetuar në vendin e ngjarjes ku u ekzekutua 55-vjeçari Nazmi Bandulla.
Nga hetimet e deritanishme mësohet se Bandulla është qëlluar me 13 plumba por 6 prej tyre kanë prekur në trupin e 55-vjecarit duke e lënë të vdekur në vend.
Fillimisht u raportua për 3 plumba po ekspertiza mjekoligjore dha informacion se në trupin e viktimës janë 6 plumba.
Dinamika e ngjarjes është filmuar nga një kamera sigurie në distancë, por nuk ka ndihmuar shumë hetuesit.
Burime nga grupi hetimor bëjnë me dije se akoma nuk ka asnjë gjurmë të autorëve të ngjarjes. Ata kanë përdorur një automjet tip Mercedez Benz me ngjyrë të bardhë mexhama të zinj, ndërsa të gjithagëzhojat janë mbajtur në makinë pasi hetuesit nuk kanë gjetur asnjë në vendin e ngjarjes.
Për shkak të së kaluarës së 55-vjeçarit në aktivitete kriminale, në sitën e hetimeve janë disa pista, ajo e larjes së hesapeve për trafik droge, dhe përfshirja e tij në vrasje.
Në të shkuarën Bandula ka qenë i përfshirë në trafik narkotikësh, trafik armësh dhe prostitucion. Po ashtu, hetuesit nuk përjashtojnë edhe pistën e hakmarrjes, pasi në vitet 2000 Nazmi Bandula bashkë me të vëllanë Albanin, janë të përfshirë në një vrasje për një vajzë pranë kinemasë në Shkodër.
Discussion about this post