Vëllezerit Jesar dhe Jaser Shabaj të cilët u kapën me mina të telekomanduara dhe me eksploziv C4 nuk kanë precedentë të mëparshem kriminal, por policia ka dyshime se ata kanë lidhje me një grup kriminal në Shkoder, për interes të të cilëve kryenin këtë veprimtari kriminale.
Vëllezërit i montonin vetë minat, bashkonin eksplozivet me celularet
Në Tiranë ata zotëronin 3 banesa, dy në Don Bosko dhe një në Liqenin e Thatë.
Në të tre banesat kishin materiale për krijimin e minave.
Minat përgatiteshin në mënyrë artizanale. Dyshohet se lënda shpërthyese ishte përgatitur për larje hesapesh mes bandave, ose e porositur nga persona të tjerë për ndonjë atentat të mundshëm.
Policia informon se “gjatë veprimeve hetimore të kryera në kuadër të procedimit për këtë rast, janë gjetur dhe sekuestruar, në cilësinë e provës materiale, 2 mina me telekomandë, me lëndë eksplozive C4 peshë 300 gram, të programuara për shpërthim në distancë (të pajisura me aparat celular dhe me kapsolla detonatore), të cilat dyshohet se do të përdoreshin për kryerjen e ngjarjeve të rënda kriminale. Gjithashtu janë sekuestruar aparati celular i 20-vjeçarit të ndaluar si dhe një përforcues grushti (dorezë metalike)”
Discussion about this post