Detaje interesante janë publikuar nga marrëdhënia e presidentit francez Emanuel Macron me gruan e tij Brigitte.
Gazetari francez Gaël Tchakaloff, ka qenë shok i ngushtë me Macron deri kur publikoi biografinë për të dhe gruan e tij ‘’As long as we re together’’.
Libri që nuk është autorizuar ende përmban shprehje të thëna nga Macrone dhe Briggitte, me çiftin që rrallëherë bën gjëra pa dijeninë e njëri tjetrit. Gazetari francez shkruan në libër se është i mahnitur nga dashuria e çiftit Macron dhe zbulon se presidenti francez e telefonon gruan e tij cdo 90 minuta. “Nuk shkon kurrë më shumë se 90 minuta pa folur në telefon me gruan e tij”, thotë Tchakaloff për Macron. “Ata e dinë axhendën e tyre. Ata e dinë minutë pas minute se çfarë po bën tjetri”, thuhet ndër të tjera në libër.
Çifti i famshëm i Francës janë njohur në grupin e teatrit të shkollës jezuite ku Brigitte 41 vjeç ishte mësuesja e tij, ndërsa Macron asokohe vetëm 17 vjeç, kur ky i fundit i tha se do martohej me të me çdo kusht.
Në vitin 2007 kjo dëshirë u bë realitet, pasi Brigitte Auzière u martua me Macron në Paris. Kur Macron u bë person i njohur publik, francezët e kishin të vështirë fillimisht të mësoheshin me çiftin me një dallim kaq të madh moshe.
