Mbrojtësi italian Nico Paterni është larguar nga klubi i Partizanit vetëm një muaj pasi ishte transferuar aty. Duket se trajneri Ilir Daja nuk është bindur nga lojtari dhe për këtë arsye nuk ka dashur që ta ketë pjesë të skuadrës për më tej.
Kjo ka bërë që 26-vjeçari të kërkojë për një tjetër klub dhe duket se zgjidhjen e ka gjetur te Kategoria e Parë, më saktësisht te Butrinti. Prej ditësh tashmë ai i është bashkuar stërvitjes së sarandiotëve me trajnerin Artan Bano. Butrinti është duke marrë lojtar me eksperiencë për sezonin 2021-2022 që nis në 11 shtator. Italiani ka bindur stafin për të qenë sezonin e ri sërish në Kategorinë e Parë.
Rikujtojmë se përveç Partizanit, Paterni qëndroi për disa ditë edhe te Dinamo në provë, por as Blendi Shkëmbi nuk u bind nga mbrojtësi.
Dy sezonet e fundit ai ka qenë pjesë e ‘Nëndetëses Blu’, duke e ndihmuar për ngjitjen në Kategorinë Superiore./Gijotina.com
