Detaje nga mbytja e të riut në lumin Drini i Zi, 15-vjeçari kishte qenë në ekskursion me shokët e klasës

Kanë dalë detaje të reja në lidhje me ngjarjen e rëndë e cila ndodhi ditën e sotme në lumin Drini i Zi. Ali Lita 15 vjeç ka humbur jetën pasi është mbytur në ujërat e lumit Drin në fshatin Potgorcë të Maqellarës.

15-vjeçari, nxënës i klasës së 9-të, ka qenë bashkë me shokët e klasës, në ekskursion në lumin Drin në fshatin Potgorcë.

Adoleshenti  është futur për tu larë në lumë, dhe nuk ka mundur të dalë. Trupi i tij është gjetur rreth 5 km më poshtë, në fshatin Gradec, nga disa pushues që bënin plazh në këtë zonë.

Sipas informacioneve nxënësit kishin shkuar të organizuar në ekskursion pas mbarimit të klasës së 9-të.