Detaje të reja janë zbardhur nga plagosja me armë zjarri, ngjarje e ndodhur pak minuta më parë në Theth.
Burime për gijotina.com bëjnë me dije se autori dhe i plagosuri i identifikuar me emrin Gëzim Ndrezaj janë bashkëfshatarë. Ndërsa kanë qenë banorët ata të cilët kanë dëgjuar krismat dhe të shqetësuar kanë raportuar në polici. Gjithashtu burime për gijotina.com bëjnë me dije se edhe gjatë natës është hapur zjarr, ndërsa banorët ankohen se në Theth mungojnë forca policie.
Lidhur me ngjarjen ka dëshmuar edhe i plagosuri i cili ka thënë se autori e ka qëlluar me automatik nga makina.
“Ka edhe më keq. Autori më kërkoi të bëja një punë. I thashë se nuk kam mundësi. E njoh autorin, është vendali. Më plagosi me automatik. Ngjarja ndodhi para 10 minutave. Ai ishte me makinë. Më gjuajti një herë, thotë i plagosuri”, ka treguar Ndrezaj.
Burime nga gijotina.com bëjnë me dije se i plagosuri punon murator në një bujtinë në Theth, prej 10 15 vite që punon. Sakaq krismat e armëve të zjarrit kanë trembur turistat.
