Policia ka dhënë informacion lidhur me plagosjen e ndodhur mbrëmjen e sotme në rrugën “5 Maji”, në afërsi të një shkolle private.
Policia bën me dije se një shtetas me iniciale A. D., është konfliktuar për motive të dobëta me shtetasit E. Sh., 29 vjeç, dhe J. Ç., 26 vjeç, dhe më pas ka braktisur automjetin e tij dhe është larguar nga vendi i ngjarjes.
Gjatë konfliktit A. D. ka qëlluar me xham shtetasit E. Sh., dhe J. Ç., të cilët janë transportuar për mjekim në spital dhe ndodhen jashtë rrezikut për jetën.
Konflikti ka lindur pasi A.D. ka qenë duke udhëtuar me makinë, ndërsa për para tij po kalonin dy të rinjtë. Në këtë moment, drejtuesi i automjetit u ka kërkuar llogari me pretendimin se ata i kishin zënë rrugën.
Kaq ka mjaftuar që sherri të degjeneronte deri në plagosjen e dy të rinjve, ndërsa autori ka braktisur makinën dhe është larguar nga vendi i ngjarjes.
Grupi hetimor po punon për kapjen e autorit të dyshuar, pasi ky i fundit është larguar nga vendngjarja dhe sqarimin e rrethanave të konfliktit.
Discussion about this post