Detaje të reja kanë dal në lidhje me humbjen e nënës së dy fëmijëve nga Durrësi, Aureta Cauli. Ditën e sotme, një person me emrin Ilirjan Cauli është paraqitur në komisariatin e Policisë Durrës. Ai ka deklaruar se është vëllai i Aureta Caulit, si dhe ka dhënë detaje nga biseda e fundit që ka pasur me të motrën.
Ai është shprehur se nga dita e hënë kishte humbur kontaktet me të motrën motrën e cila ishte nisur për në Pogradec se kishte procesin e divorcit. Sipas tij, dy ditë më vonë Aureta i kishte dërguar dy foto në whatsap që ishte në spital duke marrë serum dhe më pas kishte humbur kontaktet.
“Nga dita e hënë kemi humbur kontaktet me motrën e cila ishte nisur për në Pogradec se kishte procesin e divorcit, kështu na tha. Që atë ditë nuk kemi pasur me kontakte me të ditën e mërkurë kam bërë denoncim në Stacionin e Policisë Plazh për humbjen e motrës ditën e enjte motra me dërgon 2 foto në whatssap që ishte në spital duke marrë serum vetë dhe pastaj i fiket telefoni” – është shprehur Ilirjan Cauli.
Më tej ai thotë se motra e tij sot rreth orës 10 kishte telefonuar një kushërirën e saj, ku i kishte thënë se ishte rëmbyer nga 4 persona dhe se kishte kërkuar që t’i shikonte fëmijët për herë të fundit.
“Vete në polici për të çuar ato foto që mund ta zbulonin ça spitali ishte, por përgjigjja e punonjësve të policisë me la për të dëshiruar, s’kemi çe duam foton do pyesim spitalet me këtë emër dhe të themi kur, nëpër urgjencat s’të kërkojnë ndonjë mjet identifikimi për të marrë serum dhe ata mund ta kenë regjistruar me emër tjetër. Sot nga ora 10 kishte marrë një kushërirë në telefon i kishte thënë që më kanë marrë 4 veta vetëm të shoh pak fëmijët për herë të fundit, se s’jam mirë. Vete përsëri në komisariat tani dhe asnjë lajm prej tyre kur shumë mirë ata mund ta gjejnë nga tabulatet telefonike nga merr telefon” – ka thënë Ilirjan Cauli.
Kujtojmë se Policia e Durrësit ka dalë me një njoftim se kanë nisur hetimet, ndërsa materialet kanë kaluar në prokurori. Po ashtu, policia ka ushtruar kontrolle në banesën edhe të ish-bashkëshortit të Arietës, i cili ka pohuar se nuk kishte lidhje me zhdukjen e saj.
Policia ka shkuar sot edhe në Gjykatën e Pogradecit ku ishte seanca e radhës gjyqësore për divorcin e çiftit, ndërsa nuk u gjet asnjë gjurmë nga nëna e 2 fëmijëve.
Discussion about this post