Ditë zie! Ndahet nga jeta bashkëshortja e shkrimtarit të njohur shqiptar

Sot është një ditë shumë e trishtë për shkrimtarin e njohur, Ylljet Alicka, pasi bashkëshortja e tij, Lindita ka ndërruar jetë.

Lajmin e ka bërë të ditur vetë ai përmes një postimi në “Facebook”, ku ka treguar se përcjellja për në banesën e fundit do të bëhen ditën e dielë.

“Të dashur miq, Ju falënderojmë për ngushëllimet tuaja të ngrohta. Ju njoftojmë se përcjellja për në banesën e fundit (Sharrë), e bashkëshortes, nënës dhe gjyshes së shtrenjtë Lindita Musaraj-Alicka bëhet ditën e dielë, 28.11.2021, ora 12:00, nga shtëpia. Adresa Rr. Dervish Hima, ish-pallati Klan, Tiranë” – ka shkruar Aliçka.

Ylljet Alicka është një nga shkrimtarët dhe skenaristët më të njohur shqiptar. Ai mori famë më së shumti si autor i romanit Parullat e gurta. Gjithashtu, ka qenë i angazhuar edhe në profilin politik si ambasador i Shqipërisë në Francë.