DETAJE/ U vra për pazare droge, shokët e dërguan në spital dhe u zhdukën

Koço Myftari është 23-vjeçari shqiptar, i cili u vra në orët e para të mëngjesit të djeshëm në Greqi.

Sipas mediave fqinje, i riu u dërgua nga dy shokët e tij në spitalin e Athinës “Evangelismos”, por më pas ata u zhdukën. 23-vjeçari është futur në sallën e operacionit, por mjekët nuk kanë pasur kohë ta operojnë, pasi ai ka dhënë frymën e fundit. Ai kishte marrë një goditje nga një thikë në zonën e tehut të shpatullës.

Një ekip nga Departamenti i Vrasjeve shkoi në Evangelismos për të zbuluar saktësisht se çfarë ndodhi. Dy persona, miq të 23-vjeçarit janë akuzuar për ngjarjen pasi janë ata që e kanë lënë në spital dhe më pas janë zhdukur.

Ata u treguan mjekëve se një person i tretë e goditi me thikë shqiptarin në qendër të Athinës, por mbetet e panjohur pse miqtë e tij e lanë 23-vjeçaren dhe nxituan të zhdukeshin. Ka dyshime se vrasja e të riut ka lidhje me pazaret e drogës.

Ndërkohë vlen të thuhet se një djalë tjetër i familjes Myftari është vrarë në vitin 2019 në Gjermani.