Dalin detaje të reja nga aksidenti mëngjesin e sotëm në Fier, që solli edhe shkatërrimin e parmakëve të hekurt të urës së Mbrostarit. Mësohet se shoferi që mori makinën tip “Golf” me qera, quhet Mateo Lika. Ai nuk i përgjigjet as thirrjeve në telefon. Kjo gjë ka shtuar dyshimet se mjeti mund të ketë rënë në lumin Seman. Aktualisht policia dhe zjarrfikësja janë duke kërkuar në vendngjarje dhe pritet gjithashtu që të mbërrijnë polumbarët.
Dyshimet e para janë se Mateo Lika ka qenë duke udhëtuar me shpejtësi. Policia ka arritur ta identifikojë atë nëpërmjet targës së gjetur në vendngjarje.
Discussion about this post