Një sirian u gjet natën e mbrëmshme i pa jetë në malin e Moravës. Bëhet fjalë për një 27-vjeçar, i cili dyshohet se mund ketë ndërruar jetë rreth 3 ditë më parë. Ai është gjetur nga një grup klandestinësh, të cilët kanë lajmëruar policinë për trupin e pajetë të sirianit. Dyshohet se i riu ka ndërruar jetë nga temperaturat e ulëta dhe dëbora në malin e Moravës, teksa pritet ekspertiza mjeko-ligjore për të kuptuar shkaqet e vdekjes. Ekspertiza mësohet se do të bëhet në Tiranë, ndërkohë identiteti i viktimës nuk është bërë ende me dije.
Mali i Moravës përshkrohet çdo ditë nga klandestinë të cilët ecin me ditë të tëra nga shteti Grek drejt kufirit të gjelbër në Kapshticë e më pas synojnë kryeqytetin. Shqipëria prej vitesh është kthyer në pikë qëndrimi për shumë refugjatë nga lindja e mesme që duan të ikin drejt vendeve të BE-së. Emigrantë nga Siria tentojnë të kalojnë vazhdimisht kufirin për të përdorur Shqipërinë i “trampolinë” drejt vendeve ku ato duan të jetojnë.
Discussion about this post