Djali i viktimës Ruzhdi Hoxha, ka zbuluar detaje tronditëse sa i takon të shkuarës së biznesmenit, që çoi në vrasjen e tij me një plumb në kokë. Saimir Hoxha në një deklaratë për mediat tregon se viktima ishte përdorues i rregullt i kokainës dhe se bënte një jetë të shthurur. Po ashtu ai ka deklaruar se lajmi për zhdukjen e tij erdhi e papritur, pasi saherë që Hoxha largohej nga shtëpia siç pretendon i biri, i lajmëronte familjarët.
“Pasi babi nuk po vinte ne banesë dhe ne kemi humbur kontaktet me të , sëbashku me E.T dhe vëllain tim e shumë të afërm, kemi kërkuar në hotele dhe vende që ai zakonisht i frekuenton , por na thanë që nuk e kishin parë. Në këto kushte jemi paraqitur në komisariatin e policisë. Ishim në merak për të pasi është e hera e parë që ndodh një gjë e tillë, se ai kur nuk vjen në shtëpi apo i del ndonjë punë , na njofton dhe na thotë se ku do të jetë.Unë kam për të thënë që babi im ka pas bërë një jetë shumë të shthurur si person, pasi ka qenë përdorues i kokainës”, ka treguar ai.
Ndër të tjera në deklaratën për mediat Saimir Hoxha tregon se babai i tij, frekuentonte edhe hotelet pasi mblidhje me miqtë e tij e konsumonte pije alkoolike dhe lëndë narkotike. Ndërsa shenjat që i bëri ata të dyshonin se biznesmeni ishte përfshirë në borxhe e veprimtari kriminale, ishte se ai e fikte telefonin para se tu tregonte familjarëve vendodhjen siç bënte zakonisht. Megjithatë, Saimir Hoxha ka pretenduar se nuk ka borxhe, pasi i ka shlyer ai vetë para 3 vitesh.
“Dilte çdo natë me shokët dhe ka pasur raste të vazhdueshme që kur pinte shume pije apo konsumonte lëndë narkotike, qëndronte duke fjetur nëpër hotel për dy ose 3 ditë , por të paktën na vinte në dijeni për vendndodhjen e tij. Nisur nga fakti i fikjes së telefonit të tij si dhe mos njoftimit për vendndodhjen , dyshuam se ai mund të kishte ndonjë problem serioz . babai im në dijeninë time nuk i ka pasur borxh njeriu, të gjitha borxhet që ka pasur më parë , ja kam paguar unë para 3 vitesh”, ka treguar ai.
Pista ku po hetohet ngjarja është pikërisht e shkuara e biznesmenit dhe shoqërimi i tij me Ferdinand Rushin prej vitesh. Ky i fundit është shoqëruar në polici si i dyshuar kryesor për vrasjen ndërsa rezulton me precedent të theksuar kriminal dhe i kërkuar nga Italia për trafik droge. A.L /gijotina.com
Discussion about this post