Liridon Peka dhe Pashuk Alia u vunë në pranga pasi hakeronin llogaritë në rrjetet sociale i shantazhonin qytetarët duke u kërkuar para për t’ia rikthyer sërish. Pashuk Alia, rezulton të jetë në profesion mësues Historie-Gjeografie në Fushë Arrëz. Viktimat duhet t’i paguanin Pekës, para të cilat ai i merrte nëpërmjet Aliajt. 59-vjeçari shkonte dhe bënte tërheqjen e parave për t’iu rikthyer më pas llogaritë e rrjeteve sociale.
Ata kërkonin 900 euro për të rikthyer adresën e vjedhur të llogarive sociale. Skema funksiononte në këtë mënyrë. Profesori merrte nga 4 mijë deri në 10 mijë lekë të cilat ja jepte Liridon Peka si shpërblim.
Liridoni rezulton vëllai i Erenik Pekës, person i proceduar vite më parë për mashtrim e ndërhyrje të paligjshme në rrjetet kompjuterike.
Discussion about this post