Dyshohet se i ngacmoi gruan, zbardhet motivi i sulmit me thikë ndaj Egli Pashollarit

Gazmend Buçpapa është shpallur në kërkim, teksa dyshohet se është personi që ka qëlluar për vdekje me thikë Egli Pashollarin ditën e sotme.

Pashollari u godit me thikë në rrugën “Kongresi i Lushnjes”, ndërsa dyshohet se ai është sulmuar nga 3 persona, dy djem dhe një vajzë.

Sakaq, ai u transportua nga kalimtarë të rastit drejt spitalit, por ndërroi jetë rrugës.

Vrasja ka ndodhur pasi autorët dyshojnë se viktima i ka ngacmuar gruan njërit prej personave që u përfshinë në konflikt.

Ngjarja

Egli Pashollari, 31 vjeç, u vra me thikë ditën e sotme. Ngjarja ndodhi rreth orës 15:40, në rrugën “Kongresi i Lushnjes”, në Tiranë. Pashollari u sulmua nga dy djem dhe një vajzë sapo zbriti nga makina e tij.

Ai u godit me thikë në kurriz dhe dyshohet se autor i ngjarjes është Gazmend Buçpapa.

Të riut iu dha ndihma e parë nga dëshmitarët që ndodheshin në vendin e ngjarjes, të cilët më pas e futën në makinën e tij për ta transportuar drejt spitalit të Traumës.

Por fatkeqësisht ai humbi jetën rrugës për në spital.

Egli Pashollari rezulton një emër i njohur për drejtësinë shqiptare. Ai raportohet se ka shërbyer më herët në strukturat e Policisë së Burgjeve si gardist. Dyshohet se 31-vjeçari ka pasur lidhje me grupin e Emiljano Shullazit.

Para 5 vitesh ai tentoi t’i fuste pije alkoolike Shullazit dhe personave të tjerë gjatë kohës që ndodheshin në burg. Gjithashtu, në vitin 2017 ai është përballur me akuza për çështje të lidhura me narkotikët.

gijotina.com/

Etiketa: Egli Pashollari Kryesore1 Vrasje

Dyshohet se i ngacmoi gruan, zbardhet motivi i sulmit me thikë ndaj Egli Pashollarit

Lajme të lidhura

“Shqipëria si kamp prove”/ Meloni nuk tërhiqet nga pakti me Ramën, BE legalizon skemën për emigrantët e dëbuar

Maqedoni e Veriut, vendoset 250 Euro gjobë për prindërit e fëmijëve që dhunojnë në shkolla

Thesaret e besimit, ekspozohen për herë të parë objekte të rralla dhe veshja e Nënë Terezës

"Edi, edhe nëse bota hesht, Atdheu nuk ta fal!" Banderola në protestën e PD, kërkohet largimi i Ramës dhe Ballukut

Discussion about this post

TË FUNDIT

“Shqipëria si kamp prove”/ Meloni nuk tërhiqet nga pakti me Ramën, BE legalizon skemën për emigrantët e dëbuar

Maqedoni e Veriut, vendoset 250 Euro gjobë për prindërit e fëmijëve që dhunojnë në shkolla

Thesaret e besimit, ekspozohen për herë të parë objekte të rralla dhe veshja e Nënë Terezës

Zhvilluan sezon thuajse perfekt, Presidenti Duka surprizon Lezhën dhe klubin e Besëlidhjes

Berisha: Nuk votojmë kundër integrimit, sepse është çështje e shqiptarëve!Por nuk plotësojmë asnjë kriter

KONTAKT

Harta e Faqes