Dalin të tjera detaje nga aksidenti tragjik me 12 viktima në Kroaci, ku një autobus u përplas. Personat e parë që kanë shkuar në vendin e ngjarjes kanë rrëfyer se pas përplasjes fatale, shoferi ka “fluturuar” nga dritarja.
“Ishte e tmerrshme, si një film horror. Morëm një telefonatë në rreth orës 5:50 të mëngjesit. Po nxirrnim të vdekurit, ishin më shumë se 10. Autobusi u përplas në kanal dhe e gjithë pjesa e përparme ishte e dëmtuar. Autobusi duke sikur ishte përplasur me një mur”, ky është rrëfimi i një kreut të zjarrfikësve që u përball me skenën e rëndë.
Ivan Ivančan ishte ndër të parit në vendin ku u përplas autobusi, aksident me pasojë vdekjen e 12 personave.
“Një shofer fluturoi nga xhami i përparmë dhe tjetri ishte në autobus. Unë nuk kam përjetuar diçka të tillë që kur kam qenë zjarrfikës dhe jam 60 vjeç. Kishte shumë ambulanca, zjarrfikës dhe police. Ishte e tmerrshme, bëmë gjithçka që mundëm për të nxjerrë viktimat dhe të plagosurit”, shtoi ai.
Të paktën 12 persona raportohet se kanë mbetur viktimë e aksidentit të rëndë dhe dhjetëra të tjerë janë plagosur. Autobusi mësohet se ka targa polake, ndërsa nuk dihet ende shtetësia e viktimave.
Discussion about this post