Detajet, çifti që humbi jetën në aksident po fliste në telefon…

Detaje të reja mësohen nga aksidenti tragjik me dy të vdekur në aksin Prrenjas-Librazhd.

Nga të dhënat e deritanishme, burrë e grua Arjan dhe Majlinda Yze ishin duke komunikuar me familjarët e tyre.

Por papritur linja u shkëput në orën 20.00, duke bërë që familjarët të kuptonin se diçka kishte shkuar keq.

Ndaj dhe familjarët e çiftit të ndjerë kanë lajmëruar menjëherë policinë dhe kanë kërkuar gjatë gjithë aksit Pishkash-Përrenjas, por u pikas që mjeti kishte rënë në lumë.

Dyshohet se shkak për aksidentin të jetë bërë përgjumja apo dhe ndonjë problem i mundshëm shëndetësor i drejtuesit të automjetit.