Sherri mes dajës dhe nipit, përfundoi në plagosjen e këtij të fundit mbrëmjen e së enjtes në qytetin e Shkodrës. I plagosur nga kjo ngjarje e rëndë mbeti 44-vjeçari Bledar Troshani. Ai u godit disa herë me thikë nga daja i tij, 78-vjeçari Zyhdi Shpejtimi, i arrestuar nga policia. Sipas asaj që raporton gazetarja Emi Kalaja për Tv Klan, paraprakisht dyshohet se konflikti ndodhi për motive pronësie.
44-vjeçari mori plagë të rënda. Ai mësohet se shkoi në gjendje kritike në spital dhe ende nuk e ka kaluar rrezikun për jetën. Sa i përket autorit të dyshuar, ai mësohet se në momentin e ngjarjes ka qenë në gjendje të dehur.
“Deri në këto momente nuk ka ende deklaratë të autorit të dyshuar të ngjarjes. Në momentet e para ai ka qenë totalisht i dehur… Ai madje nuk ka qenë i vetëdijshëm për çfarë po e arrestojnë, ka thënë që nuk kam bërë asgjë të keqe. Megjithatë ndoshta do t’i duhet pak kohë që të ndërgjegjësohet për ngjarjen e rëndë dhe sulmin ndaj nipit 44-vjeçar”, tha gazetarja nga vendngjarja.
Discussion about this post