Biznesmeni shqiptar, Xhani Topalli u gjet në një rrugë të shkretë në Rodos, gjysmë i zhveshur dhe i mbytur me litar. 46-vjeçari kishte humbur gjurmët që prej mbrëmjes së 28 gushtit, kur shkoi të takonte një hotelier, i cili i kishte mijëra euro borxh.
Hotelieri 53-vjeçar, me të cilin viktima kishte mosmarrëveshje financiare, pas presionit të policisë greke ka treguar vendin ku kreu krimin dhe se ku kishte hedhur trupin e viktimës.
Autori dhe biznesmeni, para vrasjes, kishin lënë një takim për të zgjidhur mosmarrëveshjet e tyre.
Pasi rrëfeu krimit, 53-vjeçari u vendos në pranga së bashku me të birin 20-vjeçar, i cili e ndihmoi të zhvendoste trupin e viktimës.
Sipas mediave greke, bashkëshortja e autorit, duke mos e ditur se i shoqi ishte ndaluar nga policia për vrasjen e biznesmenit shqiptar, iu është drejtuar autoriteteve policore për të denoncuar zhdukjen e tij.
Por policia e ka njoftuar se i bashkëshorti i saj nuk ishte zhdukur por ishte arrestuar, i akuzuar për vrasje.
Hetuesit besojnë se ka persona të tjerë të përfshirë në vrasjen e biznesmenit shqiptar, baba i tre fëmijëve. Trupi i pajetë i tij u gjet në një rrugë të shkretë midis Psinthos dhe Afantos.
Vdekja 43-vjeçarit dyshohet se u shkaktua nga mbytja me litar ndërsa është arrestuar edhe djali i autorit pasi dyshohet se e ka ndihmuar në zhvendosjen e trupit të viktimës.
46-vjeçari kishte llogari të hapura dhe po tentonte të mblidhte borxhet që i kishin biznesmenë të ndryshëm. Mbrëmjen e së dielës ishte takuar me hotelierin, por në dëshminë e parë të dhënë para policisë 53-vjeçari kishte deklaruar se takimi i tyre ishte anuluar.
Megjithatë gjatë hetimit, kamerat e sigurisë në një pikë ngjitur me hotelin vërtetuan të kundërtën.
Pas vendosjen në pranga, ai ka rrëfyer vrasjen e biznesmenit shqiptar.
Discussion about this post