Tetëmbëdhjetë punonjësit e burgut të Fierit, të ndaluar për falsifikim dokumentesh, shpërdorim detyre dhe vjedhje të energjisë elektrike kanë kryer një sërë shkeljesh. Sipas dosjes hetimore, disa nga shkeljet ligjore që janë konstatuar, kanë të bëjnë me dhënie të amnistisë, vlerësime fiktive të sjelljes, dorëzimi i dokumenteve të rreme në gjykatë dhe dhënie ditësh, ulje dënimi shtesë me argumentim se kanë punuar etj.
Në dosje theksohet se kanë përfituar ulje të dënimit edhe personazhe të rrezikshëm të botës së krimit si Viktor Ymeri, Genis (Gentjan) Mëhillaj dhe Taulant Balliu. Viktor Ymeri, akuzohet nga SPAK për vrasjen e Klodian Saliut dhe Vajedin Lamajt, Genis Mhillaj. Liri me kusht sipas dosjes kanë përfituar të paktën 3 persona me dokumentacion jo të saktë.
“I dënuari Viktor Shefqet Ymeraj , në rubrikën me amnisti është pasqyruar se ka përfituar 1 vit ulje dënimi në bazë të ligjit nr.22/2014 e cila është nënshkruar vetëm më firmë dhe nuk ka asnjë akt të administruar në dosjen penale të këtij të dënuari.
Kjo amnisti është njohur nga ana IEVP Fier në kundërshtim me kriteret ligjore pasi në kohën që është dhënë, ky i dënuar nuk ka qenë në Republikën e Shqipërisë. Gjithashtu në kohën që është zbatuar ligji nr. 22/2014 për amnistinë, IEVP Fier nuk ka ekzistuar si institucion, pasi IEVP Fier është hapur për herë të parë në vitin 2015, mbetet e paqartë se me çfarë akti është njohur amnistia këtij të dënuari rreth 2 vite më vonë (arrestuar me datë 24.04.2016)”, thuhet mes të tjerash në dosje.
Janë konstatuar medikamente mjekësore të skaduara në tre ambiente të ndryshme brenda regjimit të brendshëm.
Discussion about this post