Të tjera detaje janë zbardhur nga ngjarja e rëndë e ndodhur në Pogradec, ku një 29-vjeçar ka pasur një lidhje dyvjeçare me një vajzë të mitur 12-vjeçare, madje ka kryer edhe marrëdhënie sektuale me të.
Nga raportimet mësohet se në dijeni të këtij fakti ka qenë edhe nëna e vajzës, e cila në anën tjetër kishte krijuar një lidhje me babain e 29-vjeçarit.
Kur nëna e vajzës është ndarë nga babai i 29-vjeçarit ka vendosur të denoncojë në polici, lidhjen që vajza e mitur kishte me shtetasin K.T, ndaj të cilit Policia dhe Prokuroria kanë nisur hetimet me inisiativë.
Sipas raportimeve. 29-vjeçari nga fshati Vërdovë i Pogradecit është arrestuar nga policia për kryerjen e marrëdhënieve seksuale me të mitur.
Në prani të psikologes dhe familjarëve vajza 12-vjeçe ka pranuar se është në një lidhje 2-vjeçare me të riun, e cila e bën edhe më flagrant rastin.
Sipas raportimeve, ata bashkëjetonin të katërt në shtëpi ndërsa vajza në prani të psikologes ka thënë se me djalin kanë 2 vite lidhje.
Ajo gjithashtu ka treguar se ka qenë dëshira e 2 palëve për të krijuar këtë lidhje.
Policia bën me dije se po vijon hetime për zbardhjen e plotë të ngjarjes si dhe ka referuar materialet në prokurori.
“Specialistët për Hetimin e Krimeve të Komisariatit të Policisë Pogradec ndaluan me iniciativë shtetasin K. T., 29 vjeç, banues në fshatin Vërdovë, Pogradec, pasi dyshohet se ka kryer marrëdhënie seksuale me një të mitur 12-vjeçare, e cila në prani të prindërve të saj dhe psikologëve ka deklaruar se ka një lidhje 2-vjeçare me shtetasin K. T.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme”, thuhet në njoftimin e policisë.
Discussion about this post