Të paktën tre incidente janë shkaktuar në Chania të Greqisë, nga anëtarët e ekuipazhit të dehur të aeroplanmbajtëses amerikane USS Gerald Ford dhe dy prej tyre i kanë ndodhur njëri-tjetrit. Më e rëndë është e treta, e shkaktuar nga dy amerikanë ndaj dy nxënëseve 15-vjeçare.
Dy të miturat kanë bërë denoncime, sipas të cilave të shtunën mbrëma janë sulmuar në portin venecian të Chanias nga dy marinarë amerikanë të dehur, të cilët dyshohet se i kanë goditur me grushte dhe shuplakë! Vajzat 15-vjeçare, të cilat kanë arritur të shpëtojnë duke vrapuar, kanë përshkruar dy amerikanët dhe kërkimet për vendndodhjen e tyre janë në vazhdim.
Në një rast tjetër, amerikanë të dehur dyshohet se janë përleshur me njëri-tjetrin në tualetet e Kopshtit Bashkiak të qytetit, por Policia nuk është dashur të ndërhyjë.
Aeroplanmbajtësja “USS Gerald Ford” 337 metra e gjatë që do të niset të mërkurën nga Souda, mban dy reaktorë bërthamorë, një sistem lëshimi avionësh elektromagnetik dhe mund të mbajë më shumë se 75 avionë të llojeve të ndryshme, ka një ekuipazh prej 6000 marinarësh.
Shikoni videon
Discussion about this post