Fitorja ndaj Orikut në Kupë nuk është festuar aq sa duhet, pasi Giovanni Colella ka marrë një lajm aspak të mirë.
Alfred Mensah është dëmtuar ndaj skuadrës së Kategorisë së Parë. Sulmuesi nga Gana ka ndjerë një shqetësim muskulor, i cili e detyroi lojtarit të linte fushën e lojës.
Jo vetëm kaq, por edhe Leart Zekolli pësoi një tjetër lëndim muskulor ndaj Orikut. 20- vjeçari nga Kosova e pati të pamundur të ecte me këmbët e tij në momentin e dëmtimit dhe u transportua me barelë jashtë fushës.
Burime pranë klubit bëjnë me dije se te të dy lojtarët paraprakisht dëmtimet nuk duken serioze, ndërsa do t’u nënshtrohen ekzaminimeve të hollësishme, ku do të përcaktohet qartë shkalla e dëmtimit për secilin.
Këto dy dëmtime, i shtohen edhe Romeros e Cvetanoskit dhe vështirë të rikuperohen për Kastriotin të dielën. Lajmi i mirë është rikthimi i Bruno Telushit, i cili ishte në stolin e rezervave ditën e djeshme.
Discussion about this post