Pamjet e një sherri të dhunshëm mes Princ Lekës dhe Elia Zaharias, çiftit që është në proces divorci, u shpërndanë me shpejtësi ditën e sotme, ndërsa palët e përfshira në konflikt kanë mundur të sigurojnë urdhërat e mbrojtjes nga Policia e Tiranës. Si Princ Leka ashtu edhe Elia Zaharia akuzojnë njëri-tjetrin për dhunë. Gjithçka ka ndodhur në atë që njihet si “pallati mbretëror”, një pronë që Princ Leka e ka trashëguar nga familja e tij.
Erion Teliti, Zëdhënësi i Princ Lekës, duke reaguar lidhur me ngjarjen e konsideron atë të stisur nga familja Zaharia. Në një intervistë televizive, ai thotë se gjithë sherri ka lidhje me çështje pasurie.
“Kam ardhur për punët e mia në Tiranë, dhe më janë thënë nga ish-kolegët se çfarë ka ndodhur. Kam patur pak mundësi të komunikoj me Princin leka, i cili është në gjendje jo të mirë.
Ajo që më është thënë nga anëtarët e oborrit është se familja Zaharia e ka stisur këtë situatë, aludohet për çështje pasurie. Princi në orën 15:30 shkon të shohë vajzën, kanë një lidhje shumë të madhe. Princi kurrë s’ka dashur ta ndajë pjatën me dikë tjetër.
Princi ka shkuar në shtëpinë e tij për të parë vajzën, në atë moment ka qenë dhe Gjergj Zaharia. Princi ka filluar të flasë me vajzën, Gjergji e ka fyer, princi i ka kërkuar që të largohet Gjergji.
Por Gjergji është çuar në këmbë, e ka fyer, i ka thënë mos hajde më këtu, kjo shpi na takon ne, e ka parë që Princi nuk po reagon, e ka goditur me shkelm.
Gjergji e di shumë mirë kush është Princi, një njeri shumë i edukuar. Vajza ka filluar të ulërasë, kur Gjergji po godiste Princin, ky ka thërritur babysiterin.
Ka qenë traumatike kjo situate”, ka deklaruar Teliti
Discussion about this post