Sociologu Zyhdi Dervishi ka folur për FaxNews në lidhje me dhunimin e të moshuarës në Kosovë në ambientet e një azili. Dervishi ka folur gjithashtu për rëndësinë e të moshuarve dhe gjendjen e tyre emocionale e psikologjike brenda azileve. “Fakti që kjo është nënë dëshmori e rëndon më shumë situatën, shqiptarët fatkeqësisht nuk i respektojnë njerëzit që kanë sakrifikuar shumë për këtë vend. Njerëzit që kanë sakrifikuar shumë për këtë vend kanë vdekur në mjerim, si autori i himnit kombëtar Shqiptar.
Fakti që në Shqipëri diskutohet lufta e dytë botërore dhe pjesëmarrja në luftën e dytë botërore të shqiptarëve është shumë e dëmshme. Shqiptarët është e nevojshme të jenë të vetëdijshëm se pjesëmarrja e tyre në luftën kundër fashistëve dhe kundët nazistëve ka qenë padyshim një nga meritat kryesore të popullit shqiptar dhe kjo luftë ka qenë e shenjtë. Nëse ne nisemi nga ky parim se lufta është e shenjtë, edhe lufta për lirinë e Kosovës është e shenjtë sepse ka çliruar vendin e vetë me forcat e veta. Shqiptarët është e nevojshme të kenë më shumë respekt për luftëtarë.
Trajtimi që i bëhet të moshuarve në azile lë shumë për të dëshiruar. Ata janë bashkë por nuk bëhen aktivitete për ti mbajtur ata në gjendje të mirë psikologjike dhe emocionale. Duke treguar historitë e dhimbjeve me njëri tjetrin ata e lëndojnë njëri tjetrin me të kaluarën e tyre problematike. Ndërkohë është e nevojshme të organizojnë aktivitete të harrojnë të kaluarën e dhimbshme.
Shoqëria shqiptare jeton në një periudhë shumë të traumatizuar. Traumatizimi i marrëdhënieve prodhon një numër të konsiderueshëm të të moshuarve nëpër azile. Psikologjia e të moshuarve në azile është më e rëndë se e një të burgosuri”- ka thënë ai.
Discussion about this post