Dhuna në Greqi, jep dorëheqjen presidenti i Superligës

Pronari i klubit të futbollit Olympiakos, Evangelos Marinakis, ka dhënë dorëheqjen nga posti i presidentit të Superligës së Greqisë.

Marinakis njoftoi vendimin e tij pak para fillimit të mbledhjes së asamblesë së përgjithshme të ligës më të lartë të futbollit profesionist të Greqisë.

Dorëheqja e tij pason një mocion mosbesimi të paraqitur kundër tij nga klubet e Panathinaikosit, AEK-ut, PAOK-ut dhe Arisit në përgjigje të incidentit të fundit të dhunës sportive.