Bilbil dhe Jashar Maja u dhunuan një ditë më parë nga fisi Rraja pas një konflikti lidhur me guroren në fshatin Borizanë.
Pjesëtarët e familjes Maja ishin ankuar se si pasojë e shpërthimeve të gurores i janë dëmtuar banesat.
Bilbili dhe Jashari kanë shkuar për tu sqaruar me inxhinierin e gurores, kur janë sulmuar fizikisht nga një grup personash të pajisur me shkopinj, por edhe me armë.
Mes personave që kanë dhunuar Bilbil dhe Jashar Majën ishin edhe dy vëllezërit e deputetit Rrahman Rraja, por edhe djali i këtij të fundit.
Ndërkohë lidhur me ngjarjen ka reaguar edhe vëllai i Jashar Majës, njërit prej të plagosurve nga dhuna shtazarake e ushtruar nga pjesëtarët e fisit Rraja.
Murat Maja ka treguar pamjet e shtëpisë së rrënuar dhe ka zbuluar se vëllai i tij aktualisht është në gjendje të rëndë shëndetësore.
“Unë jam Murati, vëllai i Jasharit. Shikoni si është bërë muri, nuk është shtëpia 100-vjeçare. Urdhëro, shikoje! Nuk ia kam borxh kërkujt, nuk ia kam borxh askujt nga atyre që më kanë rrahur vëllain se ka marrë pjesë në protestë.
Nuk ia kam borxh se më shembin shtëpinë dhe ne marrim pjesë në protestë. Jashari tani ndodhet në shtëpi në gjendje të rëndë, çuni i xhaxhait ka shkuar në spital prap se nuk mund të qëndrojë.
Unë kam qenë në shtëpi dhe më ka marrë vëllai dhe më ka thënë që na kanë rrahur rëndë. Kanë nxjerr edhe një video, duke i rrahur rëndë dhe Xhelali është në dorë”, tha ai.
Discussion about this post