Dhunohet Ilir Demalia, analisti kallëzon në polici: Më sulmuan pranë banesës

Gazetari Ilir Demaliaj është dhunuar barbarisht nga dy persona

Gazetari Ilir Demaliaj është dhunuar barbarisht nga një person pranë banesës së tij.

Sipas buiimeve, Demalia ka pretenduar në polici se sapo ka dalë nga banesa është dhunuar. Ai deklaron se autor është një banor i zonës, që e kishte akuzuar se kishte lajmëruar policinë për të shkuar për të gjobitur makinat e parkuara keq në rrugë.

Policia ka identifikuar autorin e dyshuar dhe e ka shpallur në kërkim.

Ndërkohë, pritet që autoritetet të hedhin më shumë dritë mbi ngjarjen. Hetimet vijojnë, ndërsa motivet e sakta të sulmit mbeten akoma të pa vërtetuara.

Njoftimi i policise

Sot, më datë 01.07.2026, rreth orës 12:00, në rrugën “Çamëria”, dyshohet se, për motive të dobëta, është goditur me grusht gazetari, shtetasi I. D., i cili është transportuar në spital për të marrë ndihmë mjekësore.

Menjëherë pas marrjes së njoftimit, shërbimet e Policisë kanë shkuar në vendngjarje dhe, falë veprimeve të shpejta hetimore, është bërë i mundur identifikimi i autorit të dyshuar të ngjarjes, shtetasit R. S., i cili është shpallur në kërkim. Vijon puna intensive për lokalizimin dhe kapjen e tij.

Grupi hetimor, nën drejtimin e Prokurorisë, vijon veprimet për dokumentimin e plotë ligjor të rrethanave të ngjarjes.