Policia e Shkodrës ka vënë në pranga një 39-vjeçar nga Egjipti i cili ka tentuar të kalojë kufirin nga pika kufitare në Muriqan me kartë identiteti spanjolle të falsifikuar. Gjithashtu në pranga janë vënë 2 persona të shpallur në kërkim. Shtetasi B. K., 35 vjeç akuzohen për veprën penale, “Vjedhje” dhe “Plagosje e lehtë me dashje”. Ky shtetas ishte i shpallur në kërkim për një ngjarje të ndodhur në 13 dhjetor të këtij viti, ku ka goditur dhe i ka marrë me dhunë portofolin dhe celularin shtetasit K. N.
Gjithashtu u bë ndalimi i shtetasit K. Sh., 21 vjeç banues në Shkodër. Ky shtetas ishte i shpallur në kërkim pasi akuzohet se ka futur sende të paligjshme në burg dhe rezulton i dënuar me dy vite nga Gjykata e Lezhës. Një 47-vjeçar është arrestuar pasi ka ushtruar dhunë fizike dhe psikologjike ndaj bashkëshortes së tij.
Discussion about this post