Dhunë në familje dhe jo vetëm, policia arreston 7 persona

Shtatë shtetas janë arrestuar për vepra të ndryshme të jashtëligjshme.

Mësohet se dy persona janë arrestuar pasi kanë dhunuar partneret e tyre, në Kamëz dhe në Tiranë.

Katër persona janë arrestuar pasi u kapën duke drejtuar veturat e tyre në gjendje të dehur. Po ashtu është vënë në pranga dhe një 46-vjeçar, i cili ka aksidentuar një makinë tjetër në rrugën e Arbrit.

Njoftimi i Policisë:

Specialistët për Hetimin e Krimeve të Komisariatit të Policisë Nr. 3 arrestuan shtetasin B. A., 36 vjeç, banues në Tiranë, pasi ka ushtruar dhunë ndaj bashkëshortes së tij.

Specialistët për Hetimin e Krimeve të Komisariatit të Policisë Nr. 5 arrestuan shtetasin N. D., 51 vjeç, banues në Kamzë, pasi ka ushtruar dhunë ndaj bashkëshortes së tij.

Specialistët për Hetimin e Krimeve të Komisariatit të Policisë Kavajë arrestuan shtetasin A. M., 51 vjeç, banues në Kavajë, pasi u kap duke drejtuar automjetin, nën efektin e alkoolit.

Specialistët e Qarkullimit Rrugor arrestuan shtetasit: – D. U., 46 vjeç, banues në Durrës, pasi duke drejtuar automjetin, në Rrugën e Arbrit, është përplasur me automjetin ne drejtues shtetasin F. Gj., 28 vjeç.

Si pasojë janë dëmtuar tre pasagjerë, të cilët ndodhen nën kujdesin e mjekëve, jashtë rrezikut për jetën; – B. J., 34 vjeç, F. T., 44 vjeç dhe P. M., 48 vjeç, të tre banues në Tiranë, pasi u kapën duke drejtuar automjetet, nën efektin e alkoolit.

—

Në Komisariatin e Policisë Kavajë është paraqitur shtetasi T. Rr., 80 vjeç, banues në Kavajë, i cili ka kallëzuar se është larguar nga banesa djali i tij, shtetasi A. Rr., 40 vjeç. Punohet për gjetjen e tij. Materialet i kaluan Prokurorisë, për veprime të mëtejshme procedurale.