16 persona kanë rënë në prangat e policisë së Tiranës, pasi akuzohen për vepra të ndryshme penale. Sipas njoftimit, disa persona akuzohen për dhunë në familje, të tjerë për posedim kanabisi, ndërsa ka dhe prej tyre të akuzuar për mosrespektim të rregullave të qarkullimit rrugor.
Kështu, tre persona janë arrestuar pasi gjatë kontrollit fizik iu gjet dhe sekuestrua në cilësinë e provës materiale një sasi lëndë narkotike e dyshuar kokainë.
Një 48-vjeçar u arrestua pasi ishte shpallur në kërkim sepse ka ushtruar dhunë psikologjike ndaj ish-bashkëjetueses, ndërsa një tjetër ka ushtruar dhunë psikologjike ndaj bashkëshortes, e cila është e pajisur me urdhër mbrojtje.
Dy të tjerë u arrestuan pasi gjatë kontrollit fizik iu gjetën dhe sekuestruan në cilësinë e provës materiale 2 armë te ftohta, 1 aparat i dyshuar si bllokues valësh dhe 2 doreza metalike.
Në pranga ka rënë dhe një 28-vjeçar, për veprën penale “Largimi i të burgosurit nga vendi i qëndrimit”, sepse Gjykata e Shkallës së Parë Tiranë i ka dhënë vendimin “Arrest në shtëpi”, dhe gjatë kontrollit të ushtruar nga punonjësit e Policisë nuk është konstatuar në banesë.
Gjithashtu, në pranga ka përfunduar një 21-vjeçar pasi për motive të dobëta është konfliktuar duke goditur me gurë dhe më pas qëlluar me thikë një person.
Një një 20-vjeçar u arrestua dhe një i mitur u procedua penalisht pasi janë konstatuar duke hapur një mjet, ndërsa dy të tjerë u kapën duke drejtuar mjetet përkatëse në gjendje të dehur.
Materialet procedurale i kaluan Prokurorisë pranë Gjykatës së Shkallës së Parë të Rrethit Gjyqësor Tiranë, për veprime të mëtejshme.
Discussion about this post