Policia e Vlorës ka vënë në pranga 2 persona të shpallur në kërkim. Një 63-vjeçar i identifikuar me inicialet I(Xh).P., u arrestua pasi Gjykata e Tiranës, i ka caktuar masën “arrest me burg” për veprën penale “falsifikimi vulave, stampave ose i formularëve”. Personi i dytë i vënë në pranga nga blutë e Vlorës është një 57-vjeçari me inicialet A.L., i dënuar me 4 muaj burg, për veprën penale “dhunë në familje”.
Ndërkohë në pranga ka rënë edhe shtetasi H. T., 38 vjeç, pasi ka plagosur një 21-vjeçar me sende të forta, gjatë një konflikti fizik për motive të dobëta. Ky i fundit ndodhet jashtë rrezikut për jetën. Në pranga ka rënë dhe një 49-vjeçar, pasi është konstatuar nga policia e Vlorës, duke drejtuar mjetin në gjendje të dehur. Materialet i janë kaluar Prokurorisë, për veprime të mëtejshme.
Discussion about this post