Gjykata Themelore në Prishtinë e ka dënuar me 3 mijë euro gjobë të Leonard Vehapin, për akuzën e sulmit fizik. Ai sulmoi fizikisht tri vajza para lokalit “Home Massage” në Prishtinë. Betimipërdrejtësi shkruan se Vehapi akuzohet se në shtator 2021, para lokalit “Home Massage” sulmoi fizikisht të dëmtuarat M.Sh., S.M. dhe S.Ç.
Këtë gjë ai e ka bërë pasi nga shërbimet e masazhit, ai kërkoi shërbime seksuale, të cilit ju refuzua kjo gjë. Fillimisht i akuzuari Vehapi u dënua me 6 muaj burgim, mirëpo me kërkesën dhe pëlqimin e tij, dënimi me burg iu zëvendësua në dënim me gjobë në shumë prej 3 mijë euro. Vehapi gjithashtu obligohet t’i paguajë shpenzimet procedurale dhe atë 30 euro për procesin gjyqësor, 30 euro për fondin e kompensimit të viktimave të krimit dhe 50 euro për ekspertizën mjeko ligjore.
