Policia e Fierit ka vënë në pranga një 50-vjeçar të shpallur në kërkim pasi akuzohet për dhunë në familje. Mësohet se në pranga ka rënë një 50-vjeçar, pasi dyshohet se ka ushtruar dhunë fizike dhe psikologjike ndaj bashkëshortes së tij dhe djalit të tij të mitur 14 vjeç.
Në momentin e kapjes nga shërbimet e Policisë, ky person ka qenë duke drejtuar automjetin tip “Nisan” në gjendje të dehur.
Në prangat e policisë ka rënë dhe një 37-vjeçar, banues në fshatin Arapaj, Roskovec, pasi për motive të dobëta, ka fyer dhe dhunuar fizikisht një person, me profesion gazetar.
Gjithashtu, në pranga ka rënë edhe një 21-vjeçar i shpallur në kërkim për veprën penale “Mashtrimi”.
Discussion about this post