Policia ka arrestuar Geralt Hoxhën, 28 vjeç, banues në Klos, Mat, i dyshuar si autor i një sherri të ndodhur më 19 gusht 2025 në pedonalen para Bashkisë së Vaut të Dejës.
Hoxha, i cili ishte shpallur në kërkim, akuzohet se, në bashkëpunim me një person tjetër ende të paidentifikuar, ka goditur me grushte dhe sende të forta shtetasin D. L., 37 vjeç, duke i shkaktuar dëmtime.
“Shërbimet e Komisariatit të Policisë Vau i Dejës, në vijim të punës për kapjen e shtetasve të shpallur në kërkim, në bashkëpunim me Policinë Kufitare të Kapshticës, Korçë, bënë të mundur kapjen e shtetasit Geralt Hoxha, 28 vjeç, banues në Klos, Mat.
Ky shtetas ishte shpallur në kërkim, pasi dyshohet se, në bashkëpunim me një shtetas tjetër ende të paidentifikuar, më datë 19.08.2025, në pedonalen para Bashkisë së Vaut të Dejës, kanë goditur me grushte dhe me sende të forta shtetasin D. L., 37 vjeç.“, njofton policia.
Discussion about this post