Një 49-vjeçar në Gjirokastër ka rënë në prangat e policisë pasi ushtronte dhunë në mënyrë të përsëritur ndaj bashkëshortes. Kallëzimi në polici është bërë nga gruaja e cila ishte dhunuar nga 49-vjeçari herë pas here.
“Ushtroi dhunë ndaj bashkëjetueses, vihet në pranga 49-vjeçari. Specialistët e Seksionit për Hetimin e Krimeve në Komisariatin e Policisë Gjirokastër arrestuan në flagrancë shtetasin P. Ll., 49 vjeç, banues në fshatin Tërbuq, Gjirokastër, pasi ka bërë kallëzim bashkëjetuesja e tij, shtetasja M. B., se ky shtetas e dhunuar në mënyrë të përsëritur”, thuhet në njoftimin e policisë.
Materialet proceduriale në ngarkim të personit në fjalë i kaluan Prokurorisë pranë Gjykatës së Shkallës së Parë Gjirokastër, për veprën penale “Dhuna në familje”.
Discussion about this post