Tre persona, të identifikuar si Klodian Gjini, Parios Zani dhe Jurgen Baçi, përkatësisht 21, 18 dhe 19 vjeç, janë vënë në pranga pasi akuzohen se kanë dhunuar e grabitur një emigrant nga Afganistani.
Ngjarja mësohet të ketë ndodhur në Sarandë, në lagjen nr.,1 të qytetit bregdetar. Gjini nga Laçi dhe dy të tjerët nga Saranda akuzohen për veprën penale “Vjedhja me dhunë”, e kryer në bashkëpunim. Sakaq, është sekuestruar shuma e parave të vjedhura dhe 3 aparate celularë.
Njoftimi i policisë:
I vodhën me dhunë një shumë parash, një shtetasi të huaj, identifikohen dhe vihen në pranga 3 bashkëpunëtorët. Sekuestrohen shuma e parave të vjedhura dhe 3 aparate celulare. Shërbimet e Policisë, menjëherë pas marrjes së njoftimit se disa persona i kishin vjedhur me dhunë një shumë parash, një shtetasi të huaj, kanë organizuar punën për identifikimin dhe kapjen e autorëve dhe kanë finalizuar operacionin policor të koduar “Road”, si rezultat i të cilit u arrestuan shtetasit:
– K. Gj., 21 vjeç, banues në Laç dhe P. Z., 18 vjeç e J. B., 19 vjeç, të dy banues në Sarandë, për veprën penale “Vjedhja me dhunë”, e kryer në bashkëpunim, pasi në lagjen nr.1, Sarandë, i kanë vjedhur me dhunë një shumë parash, një shtetasi afgan. Materialet i kaluan Prokurorisë, për veprime të mëtejshme procedurale.
Discussion about this post