Autorët e grabitjes me armë në banesën e noterit Thoma Kaçi në Sarandë, kanë rënë në prangat e policisë.
Të arrestuarit janë identifikuar me emra Elis Avduli, 52 vjeç, lindur dhe banues në Konispol, i cili rezulton i dënuar më parë në shtetin grek, për veprën penale “Trafikimi i narkotikëve”; Oltjon Kolonja (Pula), 39 vjeç, lindur në Krujë dhe banues në Sarandë; Vladrias Himaj, 34 vjeç, lindur në Berat dhe banues në Sarandë.
Në cilësinë e provës materiale janë sekuestruar 2 automjetet e dyshuara të përdorura në këtë ngjarje dhe 4 aparate celular.
Kujtojmë se noteri u kërcënua me armë zjarri disa ditë më parë, ku në banesën e tij u grabitën miliona lekë. Pas grabitjes, autorët janë larguar nga banesa, ndërsa sot ranë në prangat e policisë nga një operacion i koduar “Butrinit”. Pritet të zbardhen detaje të reja lidhur me ngjarjen pas marrjes në pyetje të të arrestuarve.
Discussion about this post