Angel Di Maria, pasi kaloi paraditen e sotme vizitat mjekësore në J Medical, ka nënshkruar me Juventusin dhe do të provojë të luajë për herë të parë në Serie A.
Klubi bardhezi, në njoftimin e bërë ka vënë në dukje aftësitë e argjentinasit për të shënuar golat spektakolarë dhe shifrat në Champions: pjesëmarrës në 54 gola (22 rrjeta të tundura dhe 32 asiste).
Veç kësaj, te Juventusi i kanë bërë edhe bilancin e asisteve dhe në dekadën e fundit Di Maria ka dhënë 131. Vetëm Messi (174) dhe Muller (149) kanë shifra më të mira në 5 ligat kryesore të Europës.
Një tjetër zyrtarizim në Serie A është ai i Luka Jovic, i cili nga Real Madrid ka kaluar te Fiorentina.
Madrilenët e kanë lënë të largohet falas, por në rast se serbi shitet në dy sezonet e para, ata do të përfitojnë përqindje nga shitja e tij.
Discussion about this post