Dialogu Kosovë-Serbi do të vazhdojë nesër dhe ditën e mërkurë në Bruksel. Mediat kosovare raportojnë se në takimin e nesërm do të marrë pjesë zv/kryeministri i Kosovës, Besnik Bislimi si dhe drejtori i të ashtuquajturës Zyra për Kosovën në Qeverinë e Serbisë, Petar Petkoviç.
Takimet për dialogun Kosovë-Serbi do të zgjasin dy ditë në Bruksel, ku delegacionet ndër të tjera, do të ballafaqohen me të dërguarin e BE-së për dialogun Kosovë-Serbi, Miroslav Lajcak dhe me përfaqësues të tjerë europianë.
Në ditën e parë të takimeve përfaqësuesit e dy vendeve do të takohen veçmas me Lajçak, ndërsa në ditën e dytë do të ketë një takim trepalësh.
Takimi i fundit në nivel të lartë është zhvilluar më 19 korrik, por nuk arriti të kishte rezultate, duke përfunduar në akuza mes presidentit serb, Aleksandër Vuçiç dhe kryeministrit kosovar, Albin Kurti.
