Një kabinë e banueshme është përfshirë nga flakët në qytetin e Durrësit, teksa raportohet për dëme të shumta materiale.
Ngjarja ka ndodhur pak çaste më parë, ku fatmirësisht nuk ka persona të lënduar. Sipas policisë zjarri ka rënë në kabinën e personit me iniciale D.H, ku më pas është përhapur dhe në kabina të tjera. Kabinat kanë qenë të banueshme, por për fatin e mirë tek asnjëra nuk ka pasur persona në momentin kur ka rënë zjarri.
Efektivët e repartit të zjarrfikëses u vendosën menjëherë në vendngjarje ku bënë të mundur shuarjen e flakëve. Grupi hetimor është vendosur në vendngjarje dhe po punon për të zbardhur shkaqet e këtij zjarri.
Paraprakisht dyshohet se një shkëndijë elektrike ka shkaktuar flakët të cilat më pas u përhapën me shpejtësi.
