Digjet banesa e çiftit të verbër, u shpëtuan nga fqinjët

Përfshihet nga flakët banesa në pronësi të një çifti të verbër në fshatin Kuç të Zi në Korçë.

Brenda kanë qenë Ardian Dyli së bashku me gruan e tij, të cilët fatmirësisht janë shpëtuar nga fqinjët.

Kanë qenë këta të fundit që kanë parë flakët sipër çatisë duke shkuar menjëherë pranë banesës, dhe po ashtu kanë lajmëruar policinë dhe zjarrfikësen.

Ende po punohet për shuarjen e flakëve, nuk dihet shkaku i rënies së zjarrit.

Banesa është djegur totalisht dhe dëmet materiale janë të shumta.