Digjet makina në “bypassin” e Fierit

Një automjet është përfshirë nga flakët pasditen e së hënës në bypass-in e Fierit.

Sipas informacioneve të policisë, makina drejtohej nga shtetasi A. B., ndërsa si pasojë janë shkaktuar vetëm dëme materiale. Dyshohet se shkak i zjarrit ka qenë një defekt në mjet.

“Rreth orës 18:20, në By Passin e Fierit, ka marrë flakë, në lëvizje e sipër, automjeti tip “Nisan” me drejtues shtetasin A. B. Nga flakët janë shkaktuar vetëm dëme materiale. Paraprakisht dyshohet se zjarri ka rënë për shkak të një defekti në mjet. Grupi hetimor po punon për sqarimin e plotë të rrethanave të ngjarjes”, njoftoi policia.