Digjet makina në Korçë, policia nis hetimet

Një automjet i tipit Mercedes Benz është djegur në Korçë.

Ngjarja ka ndodhur në lagjen nr. 6 të qytetit. Automjeti tip “Mercedes-Benz” në momentin që është djegur ka qenë parkuar në afërsi të banesës.

Pronari i makinës, personi me inicialet M.D ka deklaruar se nuk ka konflikte. Raportohet se ai nuk është person me precedentë penalë. Grupi hetimor po punon për zbardhjen e rrethanave të ngjarjes dhe përcaktimin e shkaqeve të rënies së zjarrit.

Njoftimi i Policisë:

“Digjet gjatë natës një automjet në Korçë. Sipas informacioneve zyrtare, rreth orës 01:50, në lagjen nr. 6, Korçë, ka rënë zjarr dhe është djegur automjeti tip “Mercedes-Benz” në pronësi të shtetasit M. D., banues në Korçë, i cili ka qenë i parkuar në afërsi të banesës. Grupi hetimor po punon për zbardhjen e rrethanave të ngjarjes dhe përcaktimin e shkaqeve të rënies së zjarrit”.