Persona të paidentifikuar i kanë vënë flakën shtëpisë së Klodian Çalamanit, autorit të vrasjes së 8-vjeçarit Mateo Vasiu. Mësohet se shtëpia është përfshirë nga flakët një natë më parë, por reshjeet e dendura të shiut e kanë shuar. Gjithsesi, dhoma ku jetonte 38-vjeçari është shkrumbuar bashkë me orenditë. Sipas të dhënave, në momentin e zjarrit, nuk janë njoftuar as policia dhe as zjarrfikësit, ndërsa dyshohet për një zjarr të qëllimshëm.
Lidhur me këtë çështje ka reaguar zyrtarisht dhe policia. “Në fshatin Grecalli, Fier, ka marë flakë dhe është djegur pjesërisht banesa e shtetasit K. Ç., 39 vjeç. Grupi hetimor po punon për përcaktimin e shkaqeve të rënies së zjarrit.”, thuhet në njoftim.
Gijotina.com ka siguruar dhe pamjet e djegies, brenda shtëpisë, ku vihet re se zjarri është shpërndarë në të gjithë ambientin.
Disa orë para se të bëhet e ditur zjarrvënia, u raportua se Klodian Çalamani është i qetë në burg dhe të gjitha tentativat për rimarrjen në pyetje kanë dështuar. Çalamani nuk rrëfen asgjë për ngjarjen dhe arsyet që e bënë të kryejnë krimin e rëndë apo faktin nëse ka bashkëpunëtorë siç pretendojnë familjarët.
Gjatë këtyre ditëve nga familjarët e 8-vjeçarit është kërkuar dënim maksimal për autorin e vrasjes Klodian Çalamani, duke zhvilluar një petecion në qytete të ndryshme. Gjithashtu familjarët e të ndjerit kanë hyrë në shtëpinë e autorit të krimit makabër, për të ndezur qiri në vendin ku Mateo u gropos nga Klodian Çalamani.
Discussion about this post