Kryeministri Edi Rama e ka nisur fjalën e tij në takimin ndërqeveritar në Shkup me situatën në të cilën ndodhet bota pas nisjes së luftës në Ukrainë.
Gjatë fjalës së tij në prani të homologut maqedonas Dimitar Kovacevski, Rama u shpreh se pas takimit në Strugë, dy qeveritë takohen në një kontekst tjetër tashmë, së pari për shkak të luftës dhe së dyti për shkak të marrjes së dritës jeshile nga Unioni për nisjen e negociatave.
Nëse dikur i sulmonte vazhdimisht vendet u unionit dhe i kritikonte se sipas tij nuk e kishin ndihmuar me pandeminë, sot Rama tha se në samitin që do të mbahet në Tiranë më 6 dhjetor, mes BE dhe vendeve të Ballkanit Perëndimor, do kërkojë ndihmë nga unioni për të kaluar krizën.
Lexo edhe Mbledhja e përbashkët, ja marrëveshjet që do firmosen sot në Shkup
“Në një kontekst tjetër sa i takon situatës në Evropë në rajon e vendet tona. Lufta e Putinit në Ukrainë godet, shkatërron, hap plagë dhe dëbon njerëz nga vendi i tyre, por është e provokuar për të gjunjëzuar Perëndimin, bashkësinë euroatlantike, të gjitha vendet në Perëndim të Rusisë, pjesë e të cilave jemi dhe ne Shqipëria e Maqedonia e Veriut.
Më 6 dhjetor në Tiranë do mbahet samiti i BE me Ballkanin Perëndimor dhe ne do jemi aty bashkë me të gjitha dëshirat problemet, e sfidat tona që janë gjithmonë e më të njëjta me ato të vendeve të tjera të BE.
E është koha besoj unë për të projektuar të ardhmen përtej luftës duke kërkuar së bashku të gjitha vendet tona nga BE që të na përfshijë gjithnjë e më shumë në të gjithë përpjekjen e organizuar për ti rezistuar qoftë goditjes së madhe të energjisë elektrike qoftë dhe inflacionit të luftës. Për të ndërtuar një plan të përbashkët që të na japë mundësi të shohim përtej kësaj faze të vështirë e të zymtë e jo të pambarimtë, nuk kemi nevojë të presim fundin e luftës për të projektuar të ardhmen.
Në këtë aspekt do thosha që Shqipëria e Maqedonia e Veriut kanë bërë një farë përgatitje duke u përpjekur të projektohen në të ardhmen jo si shtete më vete por dhe në mënyrë kolektive si vende të së njëjtës zonë gjeografike, qoftë në aspektin e Ballkanit Perëndimor qoftë në aspektin e BE si destinacioni ynë”, tha Rama.
Discussion about this post