Sekretari i Përgjithshëm i Partisë Demokratike, Flamur Noka, ka ushtruar të drejtën e votës në zgjedhjet e sotme. Pas votimit, ai dha një deklaratë për mediat pranë qendrës së votimit.
Noka u bëri thirrje të gjithë qytetarëve të dalin masivisht në votime për të vendosur mbi të ardhmen e vendit. Ai theksoi se fati i Shqipërisë është në duart e qytetarëve dhe jo në duart e askujt tjetër. Sipas tij, vota është mënyra për t’u shkëputur nga e kaluara 12-vjeçare e errët dhe për të sjellë ndryshimin.
“Një thirrje kam për çdo qytetar të këtij vendi, dilni votoni.
Fati i juaj dhe i vendit tonë është në duart tuaja dhe në duart e askujt tjetër.
Dilni masivisht në votim e për të ndryshuar këtë realitet.
Masivisht për të ushtruar verdiktin tuaj, të drejtën tuaj, masivisht për të vendosur për qeverisjen e nesërme dhe për t’u shkëputur nga e sotmja dhe e kaluara 12-vjeçare e errët e Shqipërisë.
Dilni në votime, ndryshimi është në duart tuaja”, u shpreh ai.
Discussion about this post