Milani dhe Interi do të përballen të mërkurën, dhe në prag të super sfidës ka folur edhe mbrojtësi Federico Dimarco. Ai ishte pjesë e konferencës së bashku me trajnerin Simone Inzaghi.
“Arritëm në këtë fazë të kompeticionit, duke ditur rëndësinë e luajtjes së një derbi, stimujt duhet të vijnë për të gjithë.
Unë kam luajtur dhe kam parë shumë, të luash në një gjysmëfinale të Champions do të jetë fantastike. Nuk ka favoritë në derbi, çdo ndeshje ka një histori të ndryshme.
Nga sot do të mendojmë për ndeshjen e nesërme, pastaj me qetësi do të mendojmë për ndeshjen e kthimit”, deklaroi Dimarco.
Takimi Milan-Inter, i vlefshëm për fazën gjysmëfinale të UEFA Champions League starton në orën 21:00.
Discussion about this post