Tekniku i ri i Dinamos së Tiranës, Xhixhi Di Biaxho e ka nisur me një humbje eksperiencën e tij në pankinën “Bluve të kryeqytetit”.
Dinamo është zhvendosur në Itali për fazën përgatitore dhe atje është mposhtur sot 2-0 në miqësoren e parë që ka zhvilluar në tokën italiane, nga skuadra e Modenas, e cila militon në Serinë B (Kategoria e dytë e Italisë).
Në një lojë të dominuar nga skuadra italiane, u shënua nga një gol në secilën pjesë loje, por edhe u godit shtylla dhe traversa e portës dinamovite.
Duhet theksuar se edhe Dinamo iu afrua golit në pjesën e dytë, por edhe në këtë rast ishte traversa e cila ia mohoi festën bluve.
Formacioni me të cilin Di Biaxho nisi ndeshjen ishte: Sali; A. Marku, Behiratçe, Hoxha, Prodani; Loran, Denison, Ivan; Bardhi, Kaçorri, Allmuça.
Ndërkohë, në pjesën e dytë u aktivizuan edhe Krosta, Guci, Mija, Samake, Au. Marku, Vokrri, Smaçi, Jaku, Nderu, Danaj, Rrapi, Kapllani dhe Gjoni./PanoramaSport
Discussion about this post